Panukalang Proyekto:La Solución a un Problema

PAMAMAHALA NG BASURA SA

ILOCOS NORTE COLLEGE OF ARTS AND TRADES (INCAT)

Pamagat ng Proyekto: Pagpapalawak sa Material Recovery Facility (MRF) para sa Wastong Pamamahala ng Basura sa paaralan ng Ilocos Norte College of Arts and Trades (INCAT)

Proponent ng Proyekto: Ikatlong Grupo ng HUMSS Cariño

ASUNCION, PRECIOUS mula sa INCAT

FUERTE, JEROME mula sa INCAT

GASPAR, KIMBERLY mula sa INCAT

LABAO, APRIL JOY mula sa INCAT

PAGUYO, MEL ANDREI mula sa INCAT

PARUNGAO, MELBOURNE mula sa INCAT

PASCUAL, JEREMY mula sa INCAT

RENTEGRADO, YSHIA MARIE mula sa INCAT

Katergorya ng Proyekto: Renobasyon

Petsa: Sa umpisa ng taunang pampaaralan hanggang sa katapusan nito.

I.             Panimula

A.   Rasyunal

Ang proyektong ito ay isinasakatuparan ang pagsasaayos ng Material Recovery Facility (MRF) at ang pagwawasto ng pamamahala ng basura sa INCAT sapagkat hindi maayos ang kasalukuyang pamamaraan ng paaralan dito. Bilang tulong sa suliraning ito, ang mga basura na mapupulot ng mga estudyante ay bibilhin ng paaralan at kanilang isasaayos ayon sa uri ng basura na ibebenta nila para maka-ipon ng pondo na magagamit sa pagsasaayos ng MRF.

B.   Deskripsyon

Sa pagpapaayos sa MRF, maaaring bigyan ng solusyon ang congestion ng basura sa paaralan at maisasaayos pa ang mga ito ayon sa uri nila (kung plastic, papel, glass, atbp). Titipunin ito ng mga mag-aaral at maaari nilang ibenta sa mga manufacturer at junkshops na gumagamit ng mga recyclable materials para sa iba’t ibang uri ng produkto. Sa ikalawang bahagi ng proyekto, maglalaan ang paaralan ng kaukulang badyet para pambili ng mga basura mula sa mga estudyante na iimbakin ng paaralan at kanilang ibebenta para maenganyo sila na mag-imbak at magbenta ng basura, at ang paaralan naman ay makapag-iipon ng pera na pandagdag sa badyet ng paaralan.

II.            Katawan

A.   Layunin

Nais nitong makamit ang mga sumusunod:

a)    Nilalayun nitong bigyan ng solusyon ang pagtambak ng mga basura sa iba’t ibang sulok ng paaralan;

b)    Gusto nitong ayusing ang MRF ng paaralan upang mapakinabangan ito ng mga estudyante at nang makatulong sila sa pamamahala ng basura sa paaralan;

c)    Ang ikalawang bahagi ng solusyon ay, bukod sa pagsasaayos ng basurahan, nilalayun din nitong maka-ipon ng pondo na maidadagdag sa kasalukuyang pondo ng paaralan.

Magiging kapakipakinabang ang proyektong ito para sa kaligtasan at kalusugan ng mga estudyante at guro. Maaaring iangat ang kaayusan ng paaralan at ng administrasyon nito, at makakatulong sa mga faculty, kasama ang mga janitor, sa pagtataguyod ng kalinisan sa paaralan sa buong taunang pampaaralan.

Kasangkot sa Proyekto

·         Mga estudyante ng INCAT sa lahat ng antas

·         Mga guro at mga faculty

B.   Talatakdaan ng Gawain

Petsa	Kahaba ng oras gugugulin	Mga Gawain	Pangalan	Lugar
02-11-20	Isang linggo	Pagkonsulta sa Guidance Councelors, Supreme Student Government (SSG),at Student Leaders ng bawat baitang.	Ikatlong Grupo ng HUMSS 11 Cariño	Ilocos Norte College of Arts and Trades
02-18-20	Labing-apat na araw	Paghingi ng permiso at pagpapirma sa pagpatupad ng proyekto sa Principal, at Asst. Principal ng paaralan.	Ikatlong Grupo ng HUMSS 11 Cariño	Ilocos Norte College of Arts and Trades
03-03-20	Sampung araw	Pag-canvass ng mga kakailanganing materyales at paghahanap ng maaring pagbentahan ng makakalap na basura at mga laborer.	Ikatlong Grupo ng HUMSS 11 Cariño	Mga Hardware at Junkshop sa Ilocos Norte at Laoag City
03-16-20	Dalawang linggo	Pagkalap ng pondo sa pamamagitan ng solicitation sa paaralan, School Administration,   estudyante, at PTA.	Ikatlong Grupo ng HUMSS 11 Cariño	Ilocos Norte College of Arts and Trades at sa mga magulang at estudiyante na nag-aaral sa paaralan
03-30-20	Labing-apat na araw	Pagsimula ng paghahanap at pagkalap ng basura upang ibenta para magkaroon ng karagdagang pondo.	Mga estudiyante ng INCAT at ang Ikatlong Grupo ng HUMSS 11 Cariño	Ilocos Norte College of Arts and Trades
04-14-20	Pitong araw	Pagbili ng mga materyales na kakailanganin	Ikatlong Grupo ng HUMSS 11 Cariño	Mga Hardware store sa Ilocos Norte at Laoag City
04-21-20	Limang araw	Pagsisimula sa pagsasaayos ng naturang MRF	Mga Laborer na nahanap at na-hire	Ilocos Norte College of Arts and Trades
06-08-20 hanggang kasalukuyan	--------	Pagsisimula ng pagpatupad sa ikalawang bahagi ng proyekto na pagbibili ng basura mula sa mga estudyante at pagbenta sa mga manufacturers o junkshop	Ang buong populasyon   ng INCAT	Ilocos Norte College of Arts and Trades

C.   Badyet

Ang kabuoang magagastos para sa pagpapatayo ng MRF ay P 109, 789.90

A. CARPENTRY WORKS
MATERIALS COST	P17,279.90
LABOR COST	P 27, 029.90
B. ROOFING
MATERIALS COST	P 19,000
LABOR COST	P 31, 670
C. MASONRY WORKS
MATERIALS COST	P 13,360
LABOR COST	P 23,860
D.CONCRETE WORKS
MATERIALS COST	P 17,030
LABOR COST	P 27,230
TOTAL ESTIMATED COST PARA SA BUONG PROYEKTO	P 109, 789.90

III.          Kongklusyon

A.   Pakinabang

Kailangang maunawaan na sa pagpapatayo ng mabuting MRF para sa paaralan ay mabibigyan solusyon ang problema ng INCAT ukol sa pamamahala ng basura at sa tambak ng basura sa paligid-ligid ng paaralan. Matutulungan ang administrasyon at mga faculty sa pagsasaayos ng paaralan, lalong-lalo na sa mga janitor. Maari ring maayos ang hindi magandang segregasyon ng mga estudyante dahil mayroon silang direktang kooperasyon sa pagsasaayos sa suliraning ito.

Bukod pa sa benepisyong naibibigay nito sa kaayosan ng paaralan ay natutulungan din nito ang paaralan sa pag-iipon ng pondo para sa mga iba’t ibang gastusin ng paaralan na nagiging mabisang pangmatagalang solusyon sa suliranin ng basura at sa mapagkukuhanan na rin ng pera para sa mga miscellaneous na gastusin ng paaralan.